འཇམ་དཔལ་རྣམ་རྒྱལ།

ད་ལོའི་ཟླ་༦པའི་ཚེས་གཅིག་ནས་བཟུང་། རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ལྷན་ཁང་ནས་གྲོས་ཆོད་བྱུང་བའི་༼དྲ་རྒྱ་བདེ་འཇགས་ཀྱི་ཁྲིམས་༽《网 络安全法》ཞེས་པ་དེ་ལག་བསྟར་བྱེད་པའི་འགོ་བརྩམས། ཁྲིམས་དེ་ནི་དྲ་རྒྱ་བདེ་འཇགས་ཐད་ལ་སྲིད་གཞུང་གིས་སྟངས་འཛིན་ཇི་ལྟར་བྱེད་ཆེད་བཟོས་པའི་ཁྲིམས་ལུགས་ཐོག་མ་དེ་ཆགས་ཡོད། ཁྲིམས་དེར་ཁྱོན་བསྡོམས་པའི་ས་བཅད་བདུན་དང་དོན་ཚན་བདུན་ཅུ་དོན་དགུ་ཡོད་ཅིང་། ཁྲིམས་ཡིག་དེས་དྲ་རྒྱ་བདེ་འཇགས་ནི་རྒྱལ་ཁབ་བདེ་འཇགས་ཀྱི་གྲུབ་ཆ་ཡིན་ཞེས་གསལ་བསྒྲགས་བྱས་ནས་དྲ་རྒྱ་བདེ་སྲུང་བྱེད་པའི་དགོས་པ་རྒྱུ་མཚན་གསེད་བཀྲོལ་བྱས་ཏེ་། སྲིད་གཞུང་གི་དྲ་རྒྱ་ལ་རྒྱལ་ཁབ་དང་ཚོགས་པ་གཞན་གྱིས་ལྐོག་འཛུལ་བྱས་ནས་གནོད་སྐྱོན་བཟོ་བ་སོགས་ལ་སྔོན་འགོག་དང་གདོང་ལེན་བྱེད་རྒྱུའི་གཏན་འཁེལ་བྱས་ཡོད། དེ་ནས་ཁྲིམས་དེས་གང་ཟག་སྒེར་དང་ཚོགས་པ་བཅས་ཀྱི་ཆ་འཕྲིན་གནས་ཚུལ་བཀོད་ཡོད་པའི་བརྡ་འཕྲིན་དང་གནས་ཚུལ་སོགས་ཀྱི་རྒྱུ་ཆ་ལའང་དྲ་ལམ་ཁེ་གཉེར་བྱེད་པའི་ཚོགས་པས་སྲུང་སྐྱོབ་བྱེད་དགོས་པ་དང་། དྲ་ཐོག་ནས་མི་མང་ལ་མགོ་གཡོགས་མགོ་སྐོར་གཏོང་བའི་བྱ་སྤྱོད་སྔོན་འགོག་དང་ཚར་གཅོད། ཆད་པ་གཅོད་སྟངས་སོགས་གཏན་འབེབས་བྱས་ཤིང་། དཔེར་ན་ཁྲིམས་དེའི་དོན་ཚན་༤༤་ཡི་ནང་དུ་གང་ཟག་དང་ཚོགས་པ་སུ་གང་གིས་ཁྲིམས་འགལ་གྱི་སྒོ་ནས་གཞན་གྱི་སྒེར་འབྲེལ་གནས་ཚུལ་དང་ཆ་འཕྲིན་སོགས་བསྡུ་ལེན་བྱེད་མི་ཆོག་ཅིང་། མི་གཞན་ལ་ཆ་འཕྲིན་གནས་ཚུལ་དེ་དག་ཉོ་འཚོང་བྱེད་པའམ་ཁྲིམས་འགལ་གྱིས་མཁོ་སྤྲོད་ཀྱང་བྱེད་མི་ཆོག་ཅེས་འཁོད་ཡོད་པ་མ་ཟད། དེ་འདྲའི་བྱ་སྤྱོད་སྤེལ་ནས་གང་ཟག་གི་ཁྲིམས་མཐུན་ཁེ་དབང་ལ་གནོད་པ་བྱས་ཚེ་ཆད་པ་རྒྱ་སྒོར་ས་ཡ་གཅིག་གི་བར་དུ་བཅད་ཆོག་པའི་གཏན་འཁེལ་ཀྱང་བྱས།

༢༠༡༠་ལོ་ནས་བཟུང་སྟེ། བདེ་ཆེན་བོད་རིགས་རང་སྐྱོང་ཁུལ་བདེ་ཆེན་རྫོང་དུ་ཆུ་མཛོད་ཅིག་འཛུགས་བསྐྲུན་བྱེད་བཞིན་པའི་རྐྱེན་གྱིས་དེ་གའི་ཡན་མོན་ཞང་དཔལ་སྤུངས་སྡེ་བ་དང་ཡང་བྲོ་སྡེ་བའི་ཡུལ་མི་རྣམས་ས་ཆ་གཞན་ལ་གནས་སྤོར་དགོས་བའི་གནད་དོན་བྱུང་། གང་ཡིན་ཞེ་ན་ཁོང་ཚོ་བསྡད་ཡོད་པའི་སྡེ་བ་དེ་ཆུས་བསྣུབ་ལ་ཉེ་བས་སོ། སྡེ་བ་གཉིས་ཀྱི་མང་ཚོགས་ཀྱིས་སྲིད་གཞུང་ནས་སྤྲད་པའི་གུན་ཚབ་ཉུང་དྲགས་པར་བསམ་ཞིང་།

༡

༄༅།། བཀུར་འོས་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་དྲུང་དུ།

༢༠༠༡ལོའི་ཡས་མས་ནས་བཟུང་རྒྱལ་སྲིད་སྤྱི་ཁྱབ་ཁང་གིས་སློབ་གྲྭ་མཉམ་བསྲེས་(撤点并校 )ཞེས་པའི་སློབ་གསོའི་སྲིད་ཇུས་ཞིག་སྤེལ་བས། བོད་ཁུལ་གྱི་ས་གནས་སྲིད་གཞུང་ཁག་གིས་ཞིང་ལས་དང་འབྲོག་ཕྱོགས་ཀྱི་སྡེ་བའི་སློབ་ཆུང་ཚང་མ་སྒོ་བརྒྱབ་སྟེ། སློབ་ཆུང་དེ་དག་ཞང་དང་རྫོང་གི་སློབ་ཆུང་གི་ནང་དུ་བསྲེས།ཞང་རིམ་པའི་སློབ་འབྲིང་ཡང་རྫོང་གི་སློབ་འབྲིང་དུ་བསྲེས་ནས་སྔར་ཡོད་སློབ་གསོའི་སྒྲིག་གཞི་དང་མ་ལག་ལ་གཏོར་བརླག་ཚབས་ཆེན་བཏང་ཞིང་། བས་མཐའི་རོང་འབྲོག་མང་ཚོགས་ཀྱི་བྱིས་པ་དང་ན་གཞོན་དག་སློབ་གྲྭར་འགྲིམ་པ་ལ་དཀའ་ངལ་་མང་པོ་་བཟོས། རྒྱ་ནག་ནས་སློབ་གསོའི་སྲིད་བྱུས་དེ་ལག་ལེན་བྱེད་སྐབས་གནད་དོན་མང་བོ་བྱུང་བའི་རྒྱུ་མཚན་གྱིས། དེ་ལ་སྐྱོན་བརྗོད་བྱེད་མཁན་ཡང་རབ་དང་རིམ་པ་ཞིག་བྱུང་། ༢༠༡༢་ལོརརྒྱལ་སྲིད་སྤྱི་ཁྱབ་ཁང་གིས་སློབ་ཆུང་མཉམ་བསྲེས་ཀྱི་སྲིད་ཇུས་ལ་ཚོད་འཛིན་བྱེད་པའི་མགོ་བརྩམས། 

སློབ་ལོ་མ་རན་པའི་བྱིས་པ་(学前儿童)ཞེས་པ་ནི་བྱིས་པ་ལོ་དྲུག་ལ་མ་སོན་པའམ། གྲངས་ཉུང་མི་རིགས་ཀྱི་ས་ཁུལ་དང་། དཔལ་འབྱོར་དང་འགྲིམ་འགྲུལ་སོགས་འཕེལ་རྒྱས་ཀྱི་ཚད་ཞན་པའི་ས་ཆ་རུ་་ལོ་བདུན་ལ་མ་སོན་པའི་བྱིས་པ་རྣམས་ལ་སློབ་ལོ་མ་རན་པའི་བྱིས་པ་ཟེར་གི་ཡོད། བྱིས་པ་དེ་དག་གི་སློབ་གསོ་དང་འབྲེལ་བའི་བྱ་གཞག་ལ་སློབ་ལོ་སྔོན་གྱི་སློབ་གསོའམ་ཁྱེའུ་དུས་སློབ་གསོ་་ཟེར། རང་རེའི་རྒྱལ་ཁབ་ཀྱི་རྩ་ཁྲིམས་དང་འོས་འགན་སློབ་གསོའི་ཁྲིམས་སོགས་ཀྱི་གཏན་འཁེལ་ལྟར་ན། སློབ་ལོ་མ་རན་པའི་བྱིས་པ་ཡིས་བྱིས་སྐྱོང་ཁང་སོགས་ལ་སོང་ནས་སློབ་སྦྱོང་བྱེད་དགོས་པའི་འོས་འགན་མེད་པས། བྱིས་པའི་ཕ་མས་ཀྱང་རང་ཉིད་ཀྱི་སློབ་ལོ་མ་རན་པའི་བྱིས་པ་བྱིས་སྐྱོང་ཁང་སོགས་ལ་བསྐྱལ་་ནས་རྒྱ་ཡིག་སོགས་སློབ་སྦྱོང་བྱེད་དུ་འཇུག་པའི་ཁྲིམས་ལུགས་ཀྱི་འོས་འགན་གང་ཡང་མེད། འོས་འགན་སློབ་གསོ་ཞེས་པ་ནི་ཁྲིམས་ལུགས་ཀྱི་ཐ་སྙད་ཅིག་ཡིན།

PXརྫས་རིགས་ནི་འགྱིག་གི་ཅ་ལག་བཟོ་དུས་བེད་སྤྱོད་གཏོང་བའི་རྫས་འགྱུར་གྱི་དངོས་བོ་གནོད་པ་ཅན་ཞིག་ཡིན། ད་ལྟ་རྒྱ་ནག་ནི་འགྱིག་གི་དངོས་པོ་འདི་རིགས་བཟོ་ལས་དང་འཛད་སྤྱོད་བྱེད་མཁན་གྱི་རྒྱལ་ཁབ་ཆེ་ཤོས་དེ་ཡིན། རྒྱ་ནག་གིས་འགྱིག་རིགས་འདི་འཛད་སྤྱོད་བྱེད་སྐབས། ཚོང་རྫས་ཕྱེད་ལྷག་ལས་མང་བ་ཕྱི་རྒྱལ་ནས་ནང་འདྲེན་བྱེད་གིན་ཡོད་པ་སྲིད་གཞུང་ནས་ཤེས་ཚོར་བྱུང་ཏེ།རྒྱ་ནག་ནང་ནས་PX འགྱིག་རྫས་བཟོ་རྒྱུ་ཡིན་པའི་ཐག་བཅད། ༢༠༠༧་གི་ལོར་རྒྱ་ནག་ཧྥུ་ཅན་ཞིང་ཆེན་གྱི་ཞཱ་མུན་གྲོང་ཁྱེར་ནས་འདི་འདྲའི་བཟོ་གྲྭ་ཞིག་འཛུགས་རྒྱུ་ཡིན་པའི་འཆར་གཞི་ཞིག་བྱུང་བ་དེ་ས་གནས་དེ་གའི་མང་ཚོགས་ཀྱིས་ཚོར་ནས་འཕྲལ་དུ་ངོ་རྒོལ་བྱས། དོན་རྐྱེན་འདི་འཁོར་ཡུག་སྲུང་སྐྱོབ་ཀྱི་ཁྲིམས་ལ་བཟོ་བཅོས་མ་བརྒྱབ་པའི་སྔོན་ཏུ་བྱུང་ཞིང་། སྐབས་དེར་ཁྲིམས་རྙིང་བའི་ནང་དུ་སྲིད་གཞུང་དང་བཟོ་གྲྭ་ཡིས་བཟོ་ལས་འཆར་གཞི་དང་འཁོར་ཡུག་སྲུང་སྐྱོབ་ཀྱི་ཐབས་ལམ་སོགས་འདུས་པའི་གནས་ཚུལ་རྣམས་ཕྱི་གསལ་ནང་གསལ་བྱས་ཏེ་ཁྱབ་བསྒྲགས་བྱེད་དགོས་པའི་དོན་ཚན་མང་བོ་གཏན་འཁེལ་བྱས་མེད།   ད་ལྟ་ལག་བསྟར་བྱེད་བཞིན་པའི་འཁོར་ཡུག་སྲུང་སྐྱོབ་ཀྱི་ཁྲིམས་ཀྱི་དོན་ཚན་༡༩་བའི་ནང་དུ། འཁོར་ཡུག་ལ་ཕོག་ཐུག་ཡོད་པའི་བཟོ་གྲྭ་ཞིག་གསར་འཛུགས་བྱེད་གི་ཡིན་ན། ངེས་པར་དུ་འཁོར་ཡུག་ལ་དོ་ཕོག་དང་ཕོག་ཐུག་གང་གང་ཡོད་པའི་སྙན་ཞུ་ཡི་གེ་ཞིག་བྲིས་ནས། ས་གནས་མང་ཚོགས་ཀྱིས་ཤེས་རྟོགས་བྱེད་ཐུབ་པའི་མཐུན་རྐྱེན་བཟོ་དགོས་ཞེས་གཏན་ལ་ཕབ་ཡོད་ཅིང་། ཁྲིམས་དེའི་དོན་ཚན་༥༦་གི་ནང་དུ་ཕོག་ཐུག་སྙན་ཞུ་ཡི་གེ་དེ་ལ་མང་་ཚོགས་ཀྱི་བསམ་འཆར་བསྡུ་ལེན་བྱེད་དགོས་བའི་སྐོར་གཏན་འཁེལ་བྱས། དེ་ནས་ཁྲིམས་དེའི་དོན་ཚན་༣༩པའི་ནང་དུ། སྲིད་གཞུང་གིས་ཀྱང་འཁོར་ཡུག་དང་མི་ལུས་བདེ་ཐང་གི་སྐོར་ལ་ཞིབ་འཇུག་དང་བརྩད་ཞིབ་བྱས་ནས། འཁོར་ཡུག་གི་སྤུས་ཚད་དང་མང་ཚོགས་ཀྱི་བདེ་ཐང་ལ་གནོད་པ་བསྐྱལ་བའི་ལས་དོན་ལ་སྔོན་འགོག་དང་ཞིབ་འཇུག་གི་འགན་འཁུར་ཡོད་པ་བཀོད་ཡོད། མང་ཚོགས་ཀྱིས་ངོ་རྒོལ་བྱས་པའི་སྔོན་ཏུ། ཆབ་སྲིད་གྲོས་མོལ་ཨུ་ཡོན་ལྷན་ཁང་གི་ཚོགས་མི་དང་། རྒྱལ་ཁབ་སྤྱི་ཚོགས་ཚན་རིག་ཞིབ་འཇུག་ཁང་གི་རིགས་གཅིག་རྐང་འཛིན་གྱི་མི་སྣ་ཁ་ཤས་ཀྱིས་སྣེ་ཁྲིད་ནས་རྫས་འགྱུར་བཟོ་གྲྭའི་ལས་འཆར་ལ་ངོ་རྒོལ་དང་སུན་འབྱིན་བྱས་པས། མི་མང་བོ་ད་གཟོད་མཉམ་ཞུགས་བྱས་ཏེ་ངོ་རྒོལ་གྱི་ཁྱབ་རྒྱ་ཆེ་རུ་སོང་བ་རེད། ༢༠༠༧་པའི་ཟླ་༡༢་ནང་དུ། ཞཱ་མུན་གྲོང་ཁྱེར་སྲིད་གཞུང་གིས་རྫས་འགྱུར་XPབཟོ་གྲྭའི་ལས་འཆར་ཕྱིར་འཐེན་བྱས་ཤིང་། བཟོ་གྲྭ་དེ་ཀྲང་ཀྲིག་ས་ཁུལ་ལ་སྤོར་རྒྱུའི་གྲོས་ཆོད་བྱུང་། ཀྲང་ཀྲིག་ནས་མང་ཚོགས་ཀྱིས་ངོ་རྒོལ་བྱེད་འདོད་ཀྱང་། སྲིད་གཞུང་གིས་སྟངས་འཛིན་བླ་ལྷག་བྱས་ནས་ངོ་རྒོལ་ཆེར་བྱེད་མ་ཐུབ་པ་རེད།

ཨ་མཆོག་མང་ཚོགས་ཀྱིས་ཁོང་ཚོའི་བླ་རི་ནས་གཏེར་ཁ་བསྔོག་འདོན་བྱེད་མཁན་ལ་ངོ་རྒོལ་བྱས་པའི་དོན་དག་བྱུང་ནས་ད་ལྟ་ཕལ་ཆེར་ལོ་གཅིག་འགོར་གྲབས་འདུག ཡིན་ནའང་གནད་དོན་དེ་ས་གནས་སྲིད་གཞུང་གིས་མང་ཚོགས་ཀྱི་བློ་ངོར་འབབ་པའི་ཐག་གཅོད་ཅིག་ད་བར་དུ་བཅད་མེད་པས། གོང་སྔོན་བླ་རི་ནས་གཏེར་སྔོག་སྟེ་འཁོར་ཡུག་དང་སྐྱེས་ཁམས་ལ་གནོད་ཅིང་།དད་ལྡན་མང་ཚོགས་ཀྱི་སེམས་ལ་གནོད་པའི་ལས་གཞི་དེ་མཚམས་གཅོད་བྱེད་ཐུབ་གིན་མེད།

༢༠༠༨་ལོའི་ཟླ་༧་པ་ནང་། ཞིས་ཀྲུའུ་ཅུན་དང་གཏེར་བསྔོགས་མཁན་མི་གསུམ་བཅས་ཀྱིས་ཧྥུ་ཅན་ཞིང་ཆེན་ནན་ཕུན་ས་ཆའི་ཧྭོ་ལོ་རི་ངོ་ཡི་ནགས་སའི་བདག་དབང་དང་གཏེར་བསྔོག་གི་ཆོག་མཆན་བླངས་ནས་གཏེར་རྡོ་བསྔོགས་སྐབས། ས་རྡོ་མང་བོ་རི་འདེབས་སུ་སྤུངས་ནས། ཉེ་འདེབས་ཀྱི་ནགས་ཚུལ་ལ་གནོད་སྐྱོན་ཚབས་ཆེན་བཟོས་པ་མ་ཟད།སའི་བཅུད་ཀྱང་ཉམས་པར་གྱུར། སྣོད་བཅུད་ཀྱི་སྡོང་གྲོགས་（自然之友）དང་ཧྥུ་ཅན་སྔོ་གཞིས་（福建绿家园）ཞེས་བའི་ཚོགས་པ་གཉིས་ཀྱིས་འཁོར་ཡུག་སྲུང་སྐྱོབ་ཀྱི་སྤྱི་ཕན་དམངས་དོན་གཏུག་བཤེར་ཞུས་ནས། གཏེར་བསྔོག་མཁན་ལ་དམངས་དོན་གྱི་ཁ་མཆུ་བཙུགས། ཁོང་ཚོས་གཏེར་སྔོག་མཁན་ལ་ཧྭོ་ལོ་རི་འདེབས་ནས་རྡོ་ཆག་དང་གཤིན་ས་སྤུངས་བའི་ཆོག་མཆན་མེད་པ་དང་། དེས་ས་ཆ་དེའི་སྐྱེས་ཁམས་དང་ས་བཅུད་ལ་གནོད་ཡོད་ཅེས་ཁྲིམས་ཁང་ལ་ཞུ་སྦྱོར་བྱས། 

༢༠༡༥་ལོར་བཟོ་བཅོས་བྱས་རྗེས་ཀྱི་འཁོར་ཡུག་སྲུང་སྐྱོབ་ཀྱི་ཁྲིམས་ཀྱི་དོན་ཚན་༦་པ་ནང་དུ། ཚོགས་པ་དང་གང་ཟག་སྒེར་ལ་འཁོར་ཡུག་སྲུང་སྐྱོབ་བྱེད་པའི་འོས་འགན་ཡོད་པ་དང་། ས་གནས་སྲིད་གཞུང་གིས་རང་གི་དབང་འོག་གི་ས་གནས་ཀྱི་འཁོར་ཡུག་སྤུས་ཚད་འགན་འཁུར་དགོས་ལ། ཁེ་ལས་སོགས་ཀྱིས་ཚོང་རྫས་བཟོ་སྐབས་འཁོར་ཡུག་ལ་གཏོར་བརླག་བྱས་ན་དེའི་སླར་གསོའི་འགན་འཁུར་དགོས་ཞེས་གཏན་ལ་བབས་ཡོད། དམངས་དོན་གཏུག་བཤེར་གྱི་ཁྲིམས་ཀྱི་དོན་ཚན་༥༥་ནང་དུ། འཁོར་ཡུག་གནོད་འཚེ་ཐད་ཀར་ཐེབས་མེད་པའི་གང་ཟག་དང་ཚོགས་པ་ཁག་གིས་ཁྲིམས་ལྟར་འཁོར་ཡུག་འབག་བཙོག་བྱེད་མཁན་ལ་དམངས་དོན་གྱི་གཏུག་བཤེར་ཞུ་ཆོག་ཅེས་འཁོད་ཡོད། འདི་ནི་སྤྱི་ཕན་གཏུག་བཤེར་གྱི་དམངས་ཁྲིམས་ཀྱི་རྨང་གཞི་ཡིན། འཁོར་ཡུག་སྲུང་སྐྱོབ་ཀྱི་ཁྲིམས་ཀྱི་དོན་ཚན་༥༨་ནང་དུ། འཁོར་ཡུག་འབག་བཙོག་དང་གཏོར་བརླག་བཏང་ནས། སྤྱི་ཚོགས་ཀྱི་བདེ་ཐང་ལ་གནོད་པ་ཕོག་ན། གཤམ་གྱི་ཆ་རྐྱེན་ཚང་བའི་ཚོགས་པས་མི་དམངས་ཁྲིམས་ཁང་ལ་སྤྱི་ཕན་གཏུག་བཤེར་ཞུ་ན་ཆོག ༡༽གྲོང་ཁྱེར་རིམ་པའི་སྲིད་གཞུང་གི་དམངས་སྲིད་ལས་ཁུངས་ན་དེབ་བསྐྱལ་ཐོ་འགོད་བྱས་ཡོད་པ། ༢༽ཆེད་དུ་འཁོར་ཡུག་སྲུང་སྐྱོབ་ཀྱི་ལས་དོན་གཉེར་ནས། འདས་བའི་ལོ་ལྔ་ཡི་ནང་དུ་ཁྲིམས་འགལ་གྱི་བྱ་སྤྱོད་སྤེལ་མེད་པའི་ཚོགས་པ་ཡིན་པ། ནན་ཕུན་འབྲིང་རིམ་མི་དམངས་ཁྲིམས་ཁང་གིས་༢༠༡༥་ལོའི་ཟླ་དང་བོའི་ཚེས་༡་གི་ཉིན་ལ་གྱོད་གཏུག་དང་ལེན་བྱས་ཤིང་། ཟླ་༡༠་བ་ནང་དུ་ཁྲིམས་ཐག་བཅད། ཁྲིམས་བཅད་ཀྱི་ནང་དོན་ནི། ༡༽གཏེར་རྡོ་སྔོག་མཁན་གྱིས་འཁོར་ཡུག་འབག་བཙོག་བྱས་པ་དེ་ཟླ་བ་གསུམ་གྱི་ནང་དུ་གཙང་བཟོ་བྱ་དགོས་པ་དང་། ལོ་གསུམ་ལ་རྒྱུན་འཁྱོངས་བྱེད་པའམ་ཡང་ན་རྒྱ་སྒོར་ས་ཡ་གཅིག་དང་འབུམ་གཅིག་སྤྲོད་པ། ༢༽འཁོར་ཡུག་སླར་གསོའི་གུན་ཚབ་ལ་སྒོར་ས་ཡ་གཅིག་དང་འབུམ་གཉིས་ཁྲི་བདུན་སྤྲོད་པ། ༣༽ཚོགས་པ་གཉིས་ཀྱིས་གཏུག་བཤེར་གྱི་ཆེད་དུ་བཏང་བའི་ཁྲིམས་ལུགས་ཀྱི་འགྲོ་སོང་ཚང་མ་འགན་འཁུར་བ། ཆེས་མཐོ་ཁྲིམས་ཁང་གིས་༢༠༡༥་ལོར་སྤེལ་བའི་ཁྲིམས་འཛིན་འགྲེལ་བཤད་ལྟར་ན། སྤྱི་ཚོགས་ཚོགས་པ་དང་། ཁེ་གཉེར་མིན་པའི་མི་སྒེར་གྱི་ཚོགས་པ། ཐེབས་རྩ་ཚོགས་པ་བཅས་ནི་སྤྱི་ཕན་འཁོར་ཡུག་སྲུང་སྐྱོབ་ཐད་ཀྱི་གཏུག་བཤེར་ཞུ་ཆོག་པའི་ཚོགས་པ་ཡིན། རྒྱལ་ཁབ་དམངས་སྲིད་པུའུ་ཡིས་སྡོམ་བརྩིས་ལྟར་ན། རྒྱ་ནག་ན་འཁོར་ཡུག་སྲུང་སྐྱོབ་ཀྱི་གཏུག་བཤེར་ཞུ་ཆོག་པའི་ཚོགས་པ་༧༠༠་ལྷག་ཡོད་ཟེར། འཁོར་ཡུག་སྲུང་སྐྱོབ་ཀྱི་ཁྲིམས་རྙིང་བ་ལྟར་ན། འཁོར་ཡུག་འབག་བཙོག་བྱེད་མཁན་ལ་སྒོར་ཆད་ཀྱི་གྲངས་ཀ་ལྟོས་འཇོག་གིས་ཉུང་བས། འབག་བཙོག་བྱེད་མཁན་རྣམས་ཀྱིས་སྒོར་ཆད་སྤྲད་ནས་འཁོར་ཡུག་མུ་མཐུད་ནས་འབག་བཙོག་བྱས། ཡིན་ནའང་ཁྲིམས་གསར་བས་སྒོར་ཆད་ཀྱི་གྲངས་ཀ་བླ་ལྷག་ཏུ་མཐོར་འདེགས་བྱས་ཡོད་པས། སྲིད་གཞུང་གིས་འཁོར་ཡུག་འབག་བཙོག་བྱེད་མཁན་ལ་གྲངས་འབོར་ཧ་ཅང་མཐོ་བའི་ཆད་པ་གཅོད་ཆོག་པའི་དབང་ཐང་སྤྲད་ཡོད། འཁོར་ཡུག་སྲུང་སྐྱོབ་ཀྱི་ཁྲིམས་གསར་བ་ནང་དུ། བཟོ་གྲྭ་བསྐྲུན་མཁན་དང་གཏེར་ཁ་སྔོག་མཁན་སོགས་ཀྱིས་ངེས་བར་དུ་འཁོར་ཡུག་ཕོག་ཐུག་གི་གདེང་འཇོག་ཡི་གེ་ཕུལ་དགོས་ཤིང་། འབྲེལ་ཡོད་ས་གནས་ཀྱི་མང་ཚོགས་ནས་བསམ་ཚུལ་ངེས་བར་དུ་བསྡུ་ལེན་བྱེད་དགོས་ཞེས་གཏན་འཁེལ་བྱས་ཤིང་། འཁོར་ཡུག་སྲུང་སྐྱོབ་ཀྱི་ཁྲིམས་ལག་བསྟར་མི་བྱེད་པའི་སྲིད་གཞུང་གི་ལས་བྱེད་པ་ལ་ཉེན་བརྡ་དང་གནས་དཕྱུངས། ཉེས་དོན་གྱི་འགན་འཁུར་འདེད་པ་བཅས་ཀྱི་ཆད་པ་གཅོད་སྲིད་ཅེས་གཏན་ལ་བབས་ཡོད།

[caption id=”” align=”alignright” width=”285”] དབྱར་རྩྭ་བརྐོ་བ།[/caption]

དེང་སང་བོད་པ་རྣམས་ལ་ཕྱི་བསྐྱོད་ལམ་ཡིག་བཟོ་སྐབས་དཀའ་ངལ་སྣ་ཚོགས་འཕྲད་ཀྱིན་ཡོད། དཀའ་ངལ་དེ་དག་སེལ་བའི་ཆེད་དུ། དྲ་ལམ་ཐོག་ཏུ་རྒྱ་བོད་ཡིག་གི་སྟེང་ནས་བསམ་འཆར་ཡི་གེ་འདི་འདྲ་ཞིག་འདུག བསམ་འཆར་ཡི་གེ་འདི་ཕྱི་བསྐྱོད་ལམ་ཡིག་གི་དཀའ་ངལ་སེལ་བ་ལ་ཕན་ཐོགས་ཡོད་སྙམ་ནས་འདིར་བཞག་པ་ཡིན། རྒྱལ་ཁབ་ཀྱི་འབྲེལ་ཡོད་ཀྱི་ཁྲིམས་ལྟར་ན།ས་གནས་སྲིད་གཞུང་གིས་ཁྲིམས་དང་མི་མཐུན་པའི་ཡིག་ཆ་བཟོས་ནས་སྤྱི་དམངས་གི་འགྲོ་བསྐྱོད་ཀྱི་ཐོབ་ཐང་ལ་གནོད་པ་ཐེབས་ཚེ། ཡིག་ཆ་དེ་དག་ནུས་མེད་དུ་བཟོ་བའི་ཐབས་ལམ་གཅིག་ནི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་རྒྱུན་ལས་ཨུ་ཡོན་ལྷན་ཁང་ལ་ཡི་གེ་འབྲི་དགོས་ཞེས་བསམ་འཆར་ཡི་གེ་དེའི་ནང་དུ་དེ་ལྟར་བྲིས་ཡོད། ཚང་མས་དོ་སྣང་དང་བརྒྱུད་བསྐུར་གནང་རོགས།

ས་རྩོད་ཆུ་རྩོད་ཀྱི་རྩོད་གཞི་རྐྱེན་བྱས་ཏེ། མི་དཔུང་ཁྱུ་སྒྲིག་བྱས་ནས་ཕར་ཚུར་འཛིང་སྟེ་མི་བསད་ཁྲག་སྦྱོར་གྱི་ནག་ཉེས་ཚབས་ཆེན་བྱུང་བའི་གནད་དོན་ལ་ཉེས་ཁྲིམས་ཀྱིས་གཏན་འཁེལ་དང་བཀག་འགོག་ཇི་ལྟར་བྱས་ཡོད་པའི་སྐོར་དྲ་ཐོག་ནས་དྲ་གྲོགས་ཁ་ཤས་ཀྱིས་དྲི་བ་ཞིག་དྲིས་བྱུང་།༢༠༡༠་ཡི་ལོར་ཆེས་མཐོ་མི་དམངས་ཞིབ་དཔྱོད་ཁང་གིས་མཛུབ་སྟོན་རང་བཞིན་ཅན་གྱི་གྱོད་དཔེ་ཞིག་སྤེལ་ནས། ས་རྩོད་སྐབས་ཀྱི་དཔུང་སྒྲིག་ནས་འཛིང་རེས་བྱས་པའི་གྱོད་གཞི་ལ་༼མི་དཔུང་ཁྱུ་བསྒྲིགས་ཀྱིས་འཛིང་རེས་བརྒྱབ་པའི་ནག་ཉེས་༽ཀྱི་གཏན་འཁེལ་ལྟར་བརྩད་ཞིབ་བྱེད་དགོས་ཞེས་ལམ་སྟོན་རང་བཞིན་ཅན་གཏན་འབེབས་བྱས་ཡོད་ཅིང་།

ད་བར་བོད་ཁུལ་ན་ཞིང་ལས་ཁྱིམ་ཐོ་དེ་ས་གནས་སྲིད་གཞུང་གིས་ཕྱིར་སྡུད་བྱས་ཏེ། གྲོང་མིའི་ཁྱིམ་ཐོ་ལ་བཅོས་བསྒྱུར་བྱེད་བཞིན་འདུག ཁྱིམ་ཐོ་ལས་མཆེད་པའི་ཁྲིམས་ལུགས་ཤེས་བྱ་སྤེལ་བའི་ཆེད་དུ། གཤམ་དུ་རོང་འབྲོག་ཁྱིམ་ཐོ་བརྗེ་ན་ཨེ་དྲག་ཅེས་པའི་ཁྱབ་སྒྲག་ཡིག་ཆ་ཞིག་བཟོས། འབྲེལ་ཐོགས་ཡོད་པའི་རང་རིགས་ཞིང་བ་དང་འབྲོག་པ་རྣམས་ཀྱིས་གནད་དོན་དེ་ལ་དོ་སྣང་གནང་བར་འཚལ།