ཉེས་དོན་གཏུག་བཤེར་གྱི་ཁྲིམས་ཀྱིས་གཏན་ལ་འཁེལ་བའི་ཁྱིམ་ཚང་གི་ནང་མིའི་ཐོབ་ཐང་།
ཉེས་དོན་གཏུག་བཤེར་གྱི་སྐབས་སུ། བརྩད་གཅོད་དང་ཉེས་འཛུགས་བྱེད་བཞིན་པའི་ཉེས་ཅན་དོགས་ཡོད་མི་སྣ་དང་གྱོད་ཡ་སོགས་ཀྱི་ཁྱིམ་ཚང་གི་ནང་མི་ལའང་ཐོབ་ཐང་ཁ་ཤས་ཡོད། ཐོབ་ཐང་དེ་དག་ཤེས་ནས་བེད་སྤྱོད་བྱས་ན་རང་ཉིད་ཀྱི་གཉེན་ཉེ་དུ་ལ་ཕན་ཐོགས་སྲིད་པས། འདི་ནས་ཐོབ་ཐང་རེ་འགའ་གསལ་བཤད་བྱས་ཡོད།
༡ བརྡ་སྦྱོར་བྱེད་གཏོང་པའི་ཐོབ་ཐང་། གང་ཟག་ཅིག་བཀག་ཉར་དང་འཛིན་བཟུང་། གཏན་ཏུ་འཁེལ་བའི་བསྡོད་གནས་ལྟ་རྟོག་བྱས་ཚེ། རྒྱལ་ཁབ་བདེ་འཇགས་དང་འཇིགས་སྐུལ་སོགས་ཀྱི་དམིགས་བསལ་གྱོད་གཞི་མ་གཏོགས། གང་ཟག་དེ་བཟུང་བཀྱིག་བྱེད་མཁན་གྱི་སྤྱི་བདེ་ལས་ཁུངས་དང་ཞིབ་དཔྱོད་ལས་ཁུངས་ཀྱིས་ཆུ་ཚོད་༢༤ནང་དུ་གང་ཟག་དེའི་ནང་མིར་བརྡ་སྦྱོར་གཏོང་དགོས།
༢ ངོ་ཕྲད་པའི་ཐོབ་ཐང་། རྒྱལ་ཁབ་ཀྱི་ཉེས་དོན་གཏུག་བཤེར་གྱི་ཁྲིམས་ཀྱི་ནང་དུ། ཁྱིམ་ཚང་གི་ནང་མི་ཞིག་བཀག་ཉར་དང་འཛིན་བཟུང་སོགས་བྱས་བའི་རྗེས་སུ། དེའི་ནང་མི་ལྟ་རྟོག་ཁང་ལ་སོང་ནས་ངོ་ཐུག་ཆོག་མིན་ལ་གཏན་འཁེལ་གསལ་བོ་བྱས་མེད། ཡིན་ནའང་༡༩༩༠ལོར་སྤེལ་བའི་༼ལྟ་རྟོག་ཁང་གི་ཁྲིམས་སྲོལ༽་གྱི་དོན་ཚན་༢༨དང་༢༩་ལྟར་ན། ༼གྱོད་གཞི་དང་ལེན་ལས་ཁུངས་ཀྱི་བཀའ་འཁྲོལ་ཐོབ་པ་དང་། སྤྱི་བདེ་ལས་ཁུངས་ཀྱི་ཆོག་མཆན་ཐོབ་པའི་རྗེས་སུ། ནང་མིས་བཀག་ཉར་དང་འཛིན་བཟུང་བྱས་ཡོད་པའི་རང་གི་ཕ་མ་བུ་ཕྲུག་དང་ནང་མི་སྤུན་ཟླར་ངོ་ཐུག་ན་ཆོག བཟུང་བཀྱིག་བྱས་ཡོད་པའི་གང་ཟག་དེའི་བཟའ་ཟླ་དང་། ཡང་ན་དེའི་ཕ་མ་བུ་ཕྲུག་སོགས་ནད་ཀྱིས་ཟིན་ནས་འཆི་ལ་ཉེ་བ་ཡིན་ན། ཛ་དྲག་ཅིང་ཚབས་ཆེ་བའི་གྱོད་གཞི་ཡིན་ན་མ་གཏོགས། གྱོད་གཞི་དང་ལེན་ལས་ཁུངས་ཀྱི་བཀའ་འཁྲོལ་དང་སྤྱི་བདེ་ལས་ཁུངས་ཀྱི་ཆོག་མཆན་ཐོབ་པའི་རྗེས་སུ། གང་ཟག་དེ་རང་ཁྱིམ་ལ་ནད་པར་བལྟ་སྐོར་དུ་སོང་ན་ཆོག་༽ཅེས་གཏན་འཁེལ་བ་བཞིན། བཟུང་བཀྱིག་བྱས་ཡོད་པའི་གང་ཟག་གིས་དེའི་ནང་མིར་ཐུག་ཕྲད་དང་། ཁྲིམས་འཛིན་ལས་ཁུངས་ཀྱིས་ཐུག་ཕྲད་བྱེད་དུ་འཇུག་པ་གཉིས་ཁྲིམས་འགལ་མིན་པས། ཐབས་ཚུལ་ཡོད་ན་ནང་མིར་ལྟ་རྟོག་ཁང་ནས་ངོ་ཐུག་པ་དང་རང་ཡུལ་ལ་ལོག་པའི་རེ་བ་སོགས་སྤྱི་བདེ་དང་ཁྲིམས་འཛིན་ལས་ཁུངས་ལ་ཡར་ཞུ་བྱས་ཆོག 国务院1990年颁布施行的《看守所条例》第28、29条规定，被追诉者在羁押期间经办案机关同意并经公安机关批准，可以与近亲属会见；而且被追诉者的配偶、父母或者子女病危时，只要不属于案情重大，被追诉者经办案机关同意并经公安机关批准，就可在严格监护的条件下回家探视
༣ ནད་གཡོག་ཐོབ་པའི་ཐོབ་ཐང་། འཛིན་བཟུང་བྱས་བའི་ཉེས་དོགས་པ་དང་གྱོད་ཡ་ནི་ཉམ་ཐག་ནད་ཀྱིས་ཟིན་ཅིང་འགྲོ་འགུལ་གྱི་ནུས་བ་ཉམས་པའམ། ཡང་ན་རྒས་འཁོགས་ཅན་གྱི་ནང་མི་གཉོར་མཁན་ཉག་གཅིག་ཡིན་ཚེ། ཉེས་དོགས་པ་དང་གྱོད་ཡ་དེ་ལ་གཏའ་གྲོལ་དང་བསྡོད་གནས་ལྟ་རྟོག་གི་ཐབས་ཚུལ་སྤྱད་ནས་གློད་ཆོག འཛིན་བཟུང་བཀག་ཉར་བྱས་བའི་བུད་མེད་ནི་རང་ཉིད་ཀྱི་ཕྲུ་གུ་ལ་ནུ་མ་བསྣུན་པའི་དུས་ཡིན་ཚེ། མོར་ཡང་གཏའ་གྲོལ་དང་བསྡོད་གནས་ལྟ་རྟོག་གི་ཐབས་ཚུལ་སྤྱད་ནས་གློད་ཆོག
༤ དག་སེལ་བྱེད་པའི་ཐོབ་ཐང་། བཟུང་བཀྱིག་བྱས་ཡོད་པའི་ཉེས་དོགས་པ་དང་གྱོད་ཡ་ལ་ཁྲིམས་རྩོད་པ་མེད་པའམ། ཡང་ལོ་རང་ལོ་༡༨་ལ་ཟོན་མེད་ན། དེའི་ཕ་མ་དང་སྤུན་མཆེད་ཀྱིས་ཁོང་གི་ཚབ་བྱས་ནས་དག་སེལ་དང་དག་འབུད་བྱེད་ཆོག་ལ་ཁྲིམས་རའི་ཁྲིམས་བཤེར་ལ་མཉམ་ཞུགས་བྱས་ནས་རྩོད་སྒྲུབ་ཀྱང་བྱེད་ཆོག
༥ དཔང་མི་མི་བྱེད་པའི་ཐོབ་ཐང་། གྱོད་ཡའི་ཕ་མ་དང་བཟའ་ཟླ། བུ་ཕྲུག་བཅས་ལ་ཁྲིམས་ར་ཡོང་ནས་གྱོད་ཡར་ཉེས་འཛུགས་ཀྱི་དཔང་མི་བྱེད་པའི་འོས་འགན་མེད། གལ་ཏེ་སྤྱི་བདེ་ལས་ཁུངས་དང་ཁྲིམས་འཛིན་ལས་ཁུངས་ཀྱིས་ནང་མིར་བརྡ་བཏང་ནས་ཁྲིམས་ར་ཡོང་སྟེ་རང་གི་ནང་མིར་ནག་ཉེས་ལྡན་པའི་སྐད་ཆ་ཤོད་ཟེར་ན་དེ་ནི་ཁྲིམས་དང་མི་མཐུན་པས་མ་སོང་ན་ཆོག ཉེས་དོན་གཏུག་བཤེར་གྱི་ཁྲིམས་ཀྱི་དོན་ཚན་༡༨༨་ནང་དུ་༼མི་མང་ཁྲིམས་ཁང་གི་བརྡ་སྦྱོར་ལ་སྣང་མེད་ཏུ་བཏང་ནས་ཁྲིམས་རར་བདེན་དཔང་བྱེད་པར་མ་ཡོང་ན། ཁྲིམས་ཁང་གིས་བཙན་དྲག་གི་ཐབས་ཚུལ་སྤྱད་ནས་གང་ཟག་དེ་ཁྲིམས་རར་ཁྲིད་ཆོག ཡིན་ནའང་གྱོད་ཡའི་བཟའ་ཟླ་དང་ཕ་མ། བུ་ཕྲུག་བཅས་ལ་དམིགས་བསལ་ཡོད།༽ཅེས་གཏན་འཁེལ་བྱས་ཡོད།
[gallery columns=”4” ids=”1058,1057,1056,1055”]
ཁྲིམས་རིག་རླུང་འཕྲིན། ༼༡༽
སྒྲ་མཛོད་འདིའི་
ཁྲིམས་བཅས་ནས་ལག་བསྟར་མི་བྱེད་པའི་ཉེན་ཁ་ནི་ཁྲིམས་མེད་པ་ལས་ཆེ།
བགྲེས་སོང་འདིའི་མཚན་ལ་མང་ཧོར་ཏཱ་ལའི་༼孟和达赖༽ཟེར། ཁོང་ནི་ནང་སོག་མཁར་སྔོན་པོ་གྲོང་ཁྱེར་༼呼和浩特市༽་གྱི་རྫས་འགྱུར་བཟོ་གྲྭ་ཞིག་ནས་བགྲེས་ཡོལ་བྱས་པའི་ལས་བྱེད་ཅིག་རེད། ཁོང་གིས་བྲིས་པའི་ཞུ་མཆིད་འདིའི་ནང་དུ་གྲངས་ཉུང་མི་རིགས་ཀྱི་སྐད་ཡིག་གི་ཐོབ་ཐང་རྩོད་ལེན་གྱི་དཀའ་ཚེགས་དང་གནད་དོན་མང་པོ་ཞིག་བསྟན་འདུག།
རྒྱལ་ཁབ་ཀྱི་རྩ་ཁྲིམས་དང་བླ་རུང་སྒར་གྱི་བར་ཐག
[caption id=”” align=”alignleft” width=”272”]
བླ་རུང་སྒར།[/caption]
ཉེས་དོན་གཏུག་བཤེར་ཁྲོད་ཀྱི་ཐབས་ལམ་རེ་འགའ་ངོ་སྤྲོད།
༡ བཙན་ཤེད་ཀྱིས་རང་ཉིད་ཉེས་ཅན་ཡིན་པ་ངོས་ལེན་བྱེད་དུ་འཇུག་པ།
རྩྭ་ས་དང་ཞིང་སའི་བདག་དབང་ཤོར་སྲིད་པའི་ཁྱིམ་ཐོ་བཅོས་བསྒྱུར་གྱི་སྲིད་ཇུས།
--- ཁྱིམ་ཐོ་བཅོས་བསྒྱུར་གྱིས་རྩྭ་ས་དང་ཞིང་སའི་འགན་གཙང་ལེན་གྱི་བདག་དབང་ལ་གནོད་ངེས།
ཆའོ་སན་ཏེ་༼乔三爹༽དང་མཛེས་བརྙན་༼美拍༽གྱིས་ཁུར་དགོས་བའི་ཁྲིམས་ཀྱི་ཆད་པ།
རྒྱལ་ཁབ་ཀྱི་ཁྲིམས་དང་འགལ་བའི་བྱ་སྤྱོད་ཅིག་ཡིན་ན་དེ་ལ་ངེས་བར་དུ་ཆད་པ་ཞིག་ཡོད་དགོས། ངན་པ་ཐེར་འདོན་དང་བཟང་བོར་གཏང་རག་བྱིན་ན་ད་གཟོད་སྤྱི་ཚོགས་ཤིག་ཡར་རྒྱས་སུ་འགྲོ་ཐུབ། དེའི་རྒྱུ་མཚན་གྱིས་རྒྱལ་ཁབ་ཀྱིས་བྱ་སྤྱོད་ངན་པ་ཆེ་ཆུང་གང་ཡིན་རུང་དེ་ལ་དཔག་པའི་ཆད་པ་ཁྲིམས་ཀྱིས་གཏན་ཏུ་འཁེལ་བ་རེད། དཔེར་ན་འབར་ཞུན་ཆུང་རུང་དེ་ལ་ཚོད་མ་བཟུང་ན། ནགས་ཚུལ་ཡོངས་རྫོགས་དེས་མེ་ལ་བསྒྲོན་ནུས།
སྲིད་པ་ཁྲིམས་ཀྱི་འཁོར་ལོ།
དེ་ཡང་རྒྱ་ནག་གི་ཉེས་ཁྲིམས་གཏུག་བཤེར་གྱི་ཁྲིམས་ལུགས་ཀྱི་ལེགས་ཉེས་བླང་དོར་ལ་འཇུག་བདེ་བའི་ཕྱིར་དང་། རྒྱ་ནག་གི་རྩ་ཁྲིམས་ཆུང་ངུ་རུ་འབོད་པའི་ཁྲིམས་ལུགས་འདི་ཡིད་ལ་འཛིན་བདེ་བ་དང་དང་གོ་བ་ལོན་སླ་བ་བཅས་ཀྱི་ཆེད་དུ་སྲིད་པ་འཁོར་ལོའི་ཚུལ་ཏུ་བྲིས་བ་ཡིན། འདིའི་མཚོན་དོན་རྣམས་རང་གིས་ཤེས་པའི་ཁྲིམས་ལ་ལེགས་པར་བསམ་བློ་གཏོང་བ་དང་། དོན་གཉེར་ཅན་གཞན་དག་ལ་བསྟན་ནས་བཤད་ན་ཁྲིམས་ཀྱི་ཤེས་བྱ་མྱུར་ཏུ་རྒྱུད་ལ་འཇོག་ཐུབ་པར་ཕན་པ་ཆེ།
མི་སྨྲའི་རྟུལ་ཞུགས་འཛིན་པའི་ཐོབ་ཐང་ངམ་ཁ་རོག་ཏུ་འདུག་པའི་ཐོབ་ཐང་།༼保持沉默的权利༽
མི་སྨྲའི་རྟུལ་ཞུགས་འཛིན་པའི་ཐོབ་ཐང་ཞེས་བ་ནི་གང་ཟག་སུ་ཡིན་རུང་། ཉེན་རྟོག་པ་དང་ཁྲིམས་འཛིན་མི་སྣས་འདྲི་རྩད་བྱེད་སྐབས། དེར་ལན་མི་འདེབས་པར་ཁ་རོག་ཏུ་བསྡད་ཆོག་པའི་ཐོབ་ཐང་ཞིག་ལ་གོ དཔེར་ན་ཁྱེད་རང་ལ་ཉེན་རྟོག་པ་ཞིག་གིས་ཉེས་དོན་རྩད་གཅོད་དང་འབྲེལ་བའི་སྐད་ཆ་དྲིས་ཚེ། ཁྱེད་ཀྱིས་ཁོང་ལ་ལན་མི་སྨྲ་བར་ཁ་རོག་ཏུ་བསྡད་ན་ཁྲིམས་མཐུན་ཡིན་པ་ལྟ་བུའོ། ཐོབ་ཐང་འདི་ལ་༼མི་རན་དཱའི་ཉེན་བརྡ་༽༼Miranda Warning༽ཡང་ཟེར། དེ་ནི་ཨ་རིའི་རྩ་ཁྲིམས་འཕྲི་སྣོན་གྱི་དོན་ཚན་༥་བ་ནང་དུ་གཏན་ཏུ་འཁེལ་བའི་རྩ་དོན་ཞིག་ཡིན། ཨ་མེ་རི་ཀ་ནས་ཉེན་རྟོག་པས་གང་ཟག་ཅིག་ལ་འདྲི་རྩད་བྱེད་པའི་སྔོན་ཏུ་༼ང་ཚོའི་དྲི་བ་ལ་ཁྱེད་ཀྱིས་ལན་མི་འདེབས་པར་ཁ་རོག་ཏུ་འདུག་པའི་ཐོབ་ཐང་ཡོད། གལ་ཏེ་ཁྱེད་ཀྱིས་ལན་བཏབ་པ་ཡིན་ན། ཁྱེད་ཀྱི་ལན་དེ་དག་འབྱུང་འགྱུར་གྱི་དུས་སུ་ཁྱེད་ཉིད་ལ་མི་ཕན་པའི་དཔང་ཚིག་ཏུ་འགྱུར་སྲིད།༽ཞེས་བའི་རྩ་ཚིག་འདི་སྒྲོག་སྦྱངས་བྱས་བའི་རྗེས་སུ་ད་གཟོད་འདྲི་རྩད་བྱེད་དགོས། དེ་ལྟར་མ་བསྒྲགས་ན་ཉེན་རྟོག་པ་ལ་མི་ཕན་པའི་མཇུག་འབྲས་ཡོད།
ཕྱི་བསྐྱོད་ལམ་ཡིག་གཡག་རྔ་ལྟར་སྲུང་དགོས།
[caption id=”attachment_825” align=”alignleft” width=”164”]
ཕྱི་བསྐྱོད་ལམ་ཡིག[/caption]
ཡི་གེ་དང་རི་མོ་ཟུང་འབྲེལ་གྱི་སྒོ་ནས་ཉེས་དོན་གཏུག་བཤེར་སྐབས་ཀྱི་ཐོབ་ཐང་མཚམས་སྦྱོར།
ཁྲིམས་གླེང་གི་དྲ་རྩོམ་དང་སྐད་འཕྲིན་སོགས་བརྒྱུད་ནས་ཤེས་ལྡན་མང་བོས་ལྷག་བསམ་རྣམ་དག་གིས་མཉམ་ཞུགས་བྱས་ཏེ། བསམ་འཆར་དང་རོགས་རམ་གནང་བ་ལ་སྙིང་ཐག་པས་ཐུགས་རྗེ་ཆེ་ཞུ། དེའི་ནང་ནས་མཁྱེན་ལྡན་འགའ་ཤས་ཀྱིས་རི་མོ་དང་སྒྲ་ཐག་སོགས་ལ་བརྟེན་ནས་ཉེས་དོན་བརྒྱུད་རིམ་ཁྲོད་ཀྱི་ཐོབ་ཐང་གསལ་བཤད་བྱེད་ཐུབ་ན་བཟང་ཞེས་བའི་བསམ་འཆར་བཏོན་པས། ང་རང་གིས་ཀྱང་ཨ་རི་སོགས་ན་༼ཁྱེད་ཀྱི་ཐོབ་ཐང་ཤེས་དགོས༽ཞེས་བའི་རི་མོ་དང་ཡི་གེ་ཟུང་འབྲེལ་གྱི་ལམ་ནས་ཉེས་དོན་བརྒྱུད་རིམ་ཁྲོད་ཀྱི་སོ་སོར་དཔག་པའི་ཐོབ་ཐང་མཚམས་སྦྱོར་བྱེད་པའི་ལས་གཞི་ཞིག་ཡོད་པ་དེས་མི་མང་ལ་ཤིན་ཏུ་ཕན་ཐོགས་ཡོད་པ་མཐོང་བས། ང་ཚོ་ལའང་འདི་འདྲའི་ཡིག་ཆ་ཁག་ཡོད་ན་བོད་ནང་གི་སེར་སྐྱ་མི་མང་གིས་རང་རང་གི་ཐོབ་ཐང་སྲུང་སྐྱོབ་བྱེད་པའི་ཐད་ལ་ཤིན་ཏུ་ཕན་ཐོགས་པར་སྙམ་ནས། བོད་ཀྱི་དེང་རབས་ན་གཞོན་སྒྱུ་རྩལ་བ་འགའ་ཤས་དང་སྡོང་ནས་ཡི་གེ་དང་རི་མོ་ཟུང་འབྲེལ་བྱས་ཏེ། རྒྱ་ནག་གི་ཉེས་དོན་ཁྲིམས་ལུགས་ཀྱི་བརྒྱུད་རིམ་ནང་གི་ཐོབ་ཐང་དང་ཤེས་དགོས་བའི་ཤེས་བྱ་ཁག་མཚམས་སྦྱོར་བྱེད་པའི་ཡིག་ཆ་འདི་བཟོས་བ་ཡིན། མཁྱེན་ལྡན་རྣམས་ཀྱིས་གང་མོས་ལྟར་ཕྱོགས་སོ་སོའི་བོད་མིར་བཀྲམ་རོགས་གནང་།